β फेसबूक : साइड इफेक्‍ट्‌स!

 रोज उठून देवाचं दर्शन घ्यावं तसं 'फेसबुक' देवाचं दर्शन घेतल्याशिवाय दिवस कसा बरा जात नाही. 

'फेसबुक'वर एकदा भेट दिली नाही तर चुकल्या चुकल्यासारखं वाटतं. फोटो अपलोड, फोटो शेअर, लाइक, कॉमेंट्‌स केल्या म्हणजे कसं जरा आयुष्यात चैतन्य आल्यासारखं वाटतं. आणि हो चॅट तर विसरलेच! चॅटसाठी अपॉइंटमेंट्‌स ही ठरलेल्या असतात. थोडक्‍यात काय, तर 'फेसबुक' हे आयुष्य झालंय. अनेकांचं...! 

जुने मित्र-मैत्रिणी भेटतात आणि नवेही मिळतात...त्यांच्याशी आयुष्यातला 'व्हर्च्युअल' क्षण शेअर होत जातो आणि पाहता पाहता या भासमान जगातच स्वस्थता वाटायला लागते... 

प्रश्‍न असा आहे की या भासमान, भ्रामक जगाचा फायदा काय? 

'फेसबुक'मुळं आपल्याला काय मिळतं? आपल्या आयुष्यात काही बदल झाला आहे का? की मानसिक समस्या (सायकॉलॉजिकल प्रॉब्लेम्स) वाढल्या? 

'फेसबुक'वर वारंवार प्रेमात पडणं आणि आपटणं...पुन्हा उभं राहून पुन्हा नव्या जोशानं प्रेमात पडणं... 

5-5 तास चॅटिंग करणं...सर्फिंग करणं...या सगळ्या प्रकारात आपण पोकळ होत चाललो आहोत? यातून येणारी प्रचंड अस्वस्थता आपल्याला पोखरत चाललीय? फेसबुकवर फ्लर्ट करून मिळणारी उत्तेजना (एक्‍साइटमेंट) आणि एका समृद्ध, सुंदर नात्यातला आनंद यातला फरक आपल्याला समजेनासा झालाय? 

या भासमान जगाला खरे आयुष्य मानून आपण खऱ्या आयुष्याकडे पाठ फिरवत असू, तर आयुष्य आपल्यावर डिसलाइक क्‍लिक करेल...आणि हो, हे पटलं तर 'फेसबुक'वर जरूर शेअर करायला विसरू नका!!

ऑनलाइन शॉपिंग ः नवा पर्याय

तंत्रज्ञानाच्या प्रगतीचा एक फायदा म्हणजे आपण घरबसल्या खरेदी करू लागलो; पण अशा व्यवहारात कधी कधी तांत्रिक अडचणींमुळे तर कधी ग्राहकांच्या अपुऱ्या ज्ञानामुळे फसवणूक झाल्याची भावना येते. म्हणूनच ऑनलाइन शॉपिंगमधले dos and don'ts जाणून घ्या आणि घरबसल्या खरेदीचा आनंद लुटा.

ऑनलाइन खरेदी कशी करावी?
- क्रेडिट किंवा डेबिट कार्डच्या माध्यमातून ऑनलाइन खरेदी करता येते.
- इंटरनेट बॅंकिंगच्या माध्यमातूनही अशी खरेदी करता येऊ शकते.
- अशा खरेदीसाठी बॅंकेकडून इंटरनेट बॅंकिंग पीन (क्रमांक) घ्यावा लागतो.
- अनेकदा ऑनलाइन खरेदीवर जादा पैसे आकारले जातात. याची ग्राहकांनी आधीच माहिती करून घ्यावी.

काय फायदे असतात?
- इंटरनेटच्या माध्यमातून खरेदी करताना वेळेची बचत होते.
- परदेशातील दुकानातूनसुद्धा खरेदी करता येते.
- कधी कधी बॅंकांकडून किंवा दुकानांनकडून ऑनलाइन खरेदीवर सवलती दिल्या जातात.
- अनेकदा वस्तू घरपोच मिळण्याची व्यवस्था असते.
- ऑनलाइन व्यवहारात धोका वाटत असेल, तर "कॅश ऑन डिलिव्हरी' हा पर्याय आज अनेकांनी उपलब्ध करून दिला आहे.
- या पर्यायात वस्तूचे केवळ बुकिंग इंटरनेटवरून केले जाते व ती वस्तू आपल्या हातात मिळाल्यावर त्याचे पैसे द्यावे लागतात.

काय धोके असतात?
- पासवर्ड गहाळ झाल्याने ऑनलाइन व्यवहार तात्पुरते बंद होऊ शकतात.
- आपला पासवर्ड कोणाला समजल्यास पैशांचा गैरवापर केला जाऊ शकतो.
- आपण काय खरेदी करतो आहोत, याची माहिती घेतली पाहिजे. नाहीतर चुकीची वस्तू खरेदी केली जाऊ शकते.
- आपल्या खात्याचा अकाउंट क्रमांक नीट लिहिला पाहिजे.

काय काळजी घ्यावी?
- ऑनलाइन खरेदी करताना पीन क्रमांक व पासवर्ड नीट लक्षात ठेवणे गरजेचे असते.
- आपल्या पासवर्डमध्ये शक्‍यतो आपले नाव घेऊ नये.
- ठराविक कालावधीनंतर पासवर्ड बदलावा.
- पासवर्ड शक्‍यतो कुठेही लिहून ठेवू नये.
- क्रेडिट किंवा डेबिट कार्डमार्फत खरेदी करताना कार्डावरील क्रमांक गोपनीय ठेवावा.

खरेदी करा; पण जपून!
- क्रेडिट कार्डचा वापर करून आपण पैशाचा व्यवहार करत असाल, तर जरा काळजीपूर्वक राहिले पाहिजे.
- आजकाल बऱ्याच वेबसाईट secured payment gateway चा वापर करतात. ऑनलाइन व्यवहार करायच्या आधी आपण सुरक्षित ठिकाणी व अशा गेटवेमध्ये आहोत याची प्रथम खातरजमा करून घ्यावी.
- आपला क्रेडिट कार्ड क्रमांक व विशेषतः 3 अंकी cvs क्रमांक गुप्त ठेवावा.
- आज आपण वापरतो त्या क्रेडिट (किंवा डेबिट किंवा एटीएम) कार्डचे व्यवहार त्या कार्डामागच्या काळ्या रंगाच्या चुंबकीय पट्टीत साठवलेल्या सांकेतिक माहितीनुसार होतात. या पट्टीची नक्कल करणे किंवा त्यामधील माहिती चोरणे (हॅक करणे) सहज शक्‍य असते.
- जी काळजी आपण भौतिक जगात क्रेडिट कार्ड सांभाळण्यासाठी घेतो; तितकीच काळजी आपण ऑनलाइन खरेदीबाबतही राहिले पाहिजे.
- आपला क्रेडिट कार्ड क्रमांक हा गुप्त असला पाहिजे.
- शक्‍यतो सायबर कॅफेतून असे व्यवहार करू नयेत; कारण त्या संगणकावर काय प्रणाली आहेत हे आपल्याला ठाऊक नसते.
- काही हॅकर्स अशा संगणकावर क्रमांक लक्षात ठेवायचे छुपे मनसुबे ठेवून आपल्यावर ऑनलाइन पाळत ठेवू शकतात.
- आपण वेबवर काय फॉर्म भरत आहोत तेही काळजीपूर्वक बघावे.
- Identity theft म्हणजे आपल्या वैयक्तिक माहितीची चोरी, हा प्रकार बरेच वेळा वापरकर्त्याच्या निष्काळजीपणामुळे घडतो.
- सर्व क्रेडिट कार्ड व्यवहारात एसएमएस ऍलर्टचा पर्याय जरूर निवडावा, म्हणजे ऑनलाइन व्यवहाराचा पुरावा राहतो.



पासवर्ड विसरल्यास काय करावे?
- इंटरनेटवरील व्यवहारांत अनेक वेबसाइट्‌सचे अनेक पासवर्डस लक्षात ठेवणे कठीण असते, त्यामुळे पासवर्ड विसरण्याची दाट शक्‍यता असते.
- पासवर्ड विसरल्यास, "रिसेट पासवर्ड' असा एक पर्याय वेबसाइटवरच उपलब्ध करून दिलेला असतो.
- बॅंकेत जाऊन आपल्या पासवर्डची मागणी करता येऊ शकते.
- पासवर्ड लक्षात ठेवण्याची काळजी दूर करण्यासाठी इंटरनेटवर अनेक टूल्स उपलब्ध आहेत.
- त्यापैकीच एक म्हणजे पासवर्ड सेफ प्रोग्रॅम.
- हा प्रोग्रॅम आपल्या कॉम्प्युटरवर डाऊनलोड करून त्यात आपले सगळे पासवर्ड नोंद करून ठेवता येतात.
- हा प्रोग्रॅम ओपन करण्यासाठीही एक पासवर्ड असतो. तो मात्र लक्षात ठेवावा लागतो.
- पासवर्डशिवाय इतर कुणालाही त्या प्रोग्रॅममधील माहिती दिसू शकत नाही.

इंटरनेटचा असाही परिणाम!
इंटरनेटचे जाळे आता इतके विस्तारले आहे, की येत्या काही वर्षांत ऑनलाइन खरेदी भारतातही लोकप्रिय होईल. परदेशात याची लोकप्रियता व वापर कसा वाढला आहे, हे एका उदाहरणावरून स्पष्ट कळू शकते. अमेरिका आणि युरोपमध्ये "बॉर्डर्स' ही पुस्तकांच्या दुकानांची मोठी साखळी काही वर्षांपूर्वी होती; मात्र "ऍमेझॉन' या पुस्तक विश्‍वातील ऑनलाइन खरेदीच्या वेबसाइटने आज इतकी प्रगती केली आहे, की "बॉर्डर्स'च्या दुकानांना त्याचा फटका बसला आहे. त्यांच्या अनेक शाखा बंद झाल्या आहेत. इंटरनेटवरील 95 ते 97 टक्के व्यवहार पारदर्शी असतात. त्यामुळे अधिक पैसे कापले गेल्यास किंवा पैसे कापले जाऊनही वस्तू न मिळाल्यास त्याचा योग्य पाठपुरावा करता येतो.

इंग्लिश डिक्शनरी - एक उपयुक्त सॉफ्टवे

आज मी एका अत्यंतीक उपयुक्त अशा सॉफ्टवेअरची माहिती सांगणार आहे. त्या सॉफ्टवेअरचं नाव आहे WordWeb 6.1 . हे सॉफ्टवेअर तुम्ही डाऊनलोड करायलाच हवं. तुमचं इंग्रजी ब-यापॆकी असेल आणि आता ते तुम्हाला अधिक चांगलं करायचं असेल, तर त्यासाठी मी या सॉफ्टवेअरची खास शिफारस करेन.


खरं तर हे सॉफ्टवेअर मला योगायोगानेच सापडलं ...नाहितरी इंटरनेटवर सारं काही योगायोगानेच सापडतं तो भाग वेगळा :-) ...पण इंग्लिश शिकायची ज्याची मनापासून ईच्छा त्याच्यासाठी या सॉफ्टवेअरची उपयुक्तता ही खरंच वादातीत अशीच आहे. एडिटर्सनी या सॉफ्टवेअरला ५ स्टार्स दिले आहेत आणि बाकी सर्वसामान्या वापरकर्त्यांनीही याला ४.५ स्टार्स दिले आहेत. हे सॉफ्टवेअर वापरणं खूपच सोपं आणि मदतशील आहे. विशेष म्हणजे केवळ लहान मुलांसाठीच नाही तर सर्व वयोगटातील लोकांमध्ये याची उपयुक्तता सिद्ध होते.

१. सर्वप्रथम वर्डवेब डिक्शनरी डाऊनलोड आणि इंस्टॉल करुन घ्या. (हे सारं करत असताना ते आपण रहात असलेला प्रदेश/खंड/उपखंड विचारतील, तेंव्हा आपला भारतीय उपखंड निवडावा. कारण असं केल्याने ते आपल्या ठिकाणी बोलल्या जाणा-या सोप्या इंग्रजी भाषेत एखाद्या शब्दाचा अर्थ सांगू शकतील.)
२. हे सॉफ्टवेअर ओपन केल्यानंतर संगणकाच्या उजवीकडे अगदी तळाला क्विक लाँच आयकॉन (नारंगी रंगावर निळा W) आपल्याला दिसून येईल. त्यावर क्लिक करा. 

३. Lookup च्या समोर असलेल्या मोकळ्या जागेत तुम्हाला ज्या शब्दाचा अर्थ हवा आहे तो शब्द टाईप करा आणी मग search वर क्लिक करा. उदा. मी Mind टाईप केले. अगदी उच्चारासहीत त्या शब्दाचे ‘विविध रंग’ तुमच्यासमोर उलगडले जातील. बाकी मला फार काही तांत्रिक बोलायची आवश्यकता नाही.

४. आता या डिक्शनरीची सर्वात मोठी उपयोगिता मी तुम्हाला सांगणार आहे.
* "वर्डवेब ओपन केल्यानंतर" इंटरनेट अथावा तुमच्या संगणकावरील कोणत्याही इंग्रजी शब्दावर तुमच्या माऊसचा कर्सर आणा आणि शिफ्ट दाऊब ठेवून माऊसवर राईट क्लिक करा. पहा! तुम्हाला तुमच्या शब्दाचा अर्थ मिळालेला असेल.

यानंतर परत कधी इंग्रजी लेख वाचता वाचता मध्येच एखादा शब्द अडला, तर तुम्हाला फार काही करण्याची आश्यकता नाही. केवळ शिफ्ट दाबून आपल्या माऊसवर राईट क्लिक करा आणि त्या शब्दाला समजून घ्या.

Read more: इंग्लिश डिक्शनरी - एक उपयुक्त सॉफ्टवेअर | इंटरनेट, 2know.in http://www.2know.in/2010/02/blog-post_25.html#ixzz22rPiZKzo

खालील उपायांनी आपला कॉम्पुटर सुरक्षित ठेवा

जगभरातील असंख्य कॉम्पुटर्स ला बाधित करणाऱ्या "डी एन एस - चेंजर " मालवेअर मुळे इंटरनेट बंद पडण्याची शक्यता आहे. भारतातही लाखो संगणक बाधित झाले आहेत.आपल्या पी सी ची काळजी घेण्याचे आवाहन तज्ञांनी केले आहे.
आपला संगणक बाधित झाला आहे कि नाही हे तपासण्यासाठी नागरिकांनी खालील लिंक वर क्लिक करावे. कंपनी मार्फत हे टूल मोफत उपलब्ध करून देण्यात आले आहे. तरी सर्व जनतेने याचा लाभ घ्यावा व हि लिंक शेअर करून आपल्या मित्रास सावध करावे. :-

धन्यवाद !

http://www.quickheal.com/chkdns.asp

जनहितार्थ

आपला मित्र,
निशिकांत मानुगडे